Cofnodion cryno - Y Pwyllgor Cyfrifon Cyhoeddus

Lleoliad:

Ystafell Bwyllgora 3 - Y Senedd

Dyddiad: Dydd Llun, 6 Ionawr 2020

Amser: 13.02 - 14.31
Gellir gwylio’r cyfarfod ar Senedd TV yn:
http://senedd.tv/cy/5878

------

Yn bresennol

Categori	Enwau
Aelodau’r Cynulliad:	Mohammad Asghar (Oscar) AC Gareth Bennett AC Vikki Howells AC Rhianon Passmore AC Adam Price AC Jenny Rathbone AC Darren Millar AC (yn lle Nick Ramsay AC)
Swyddfa Archwilio Cymru:	Adrian Crompton - Archwilydd Cyffredinol Cymru Matthew Mortlock Dave Thomas
Staff y Pwyllgor:	Fay Bowen (Clerc) Claire Griffiths (Dirprwy Glerc)

<AI1>

1 Cyflwyniad, ymddiheuriadau, dirprwyon a datgan buddiannau

1.1 Cafwyd ymddiheuriadau gan Nick Ramsay AC, Cadeirydd y Pwyllgor. Roedd Darren Millar AC yn dirprwyo.

1.2 Gofynnodd y Clerc am enwebiadau ar gyfer Cadeirydd dros dro o dan Reol Sefydlog 17.22. Enwebodd Jenny Rathbone AC Darren Millar AC, a gafodd ei gymeradwyo gan y Pwyllgor.

1.3 Croesawodd y Cadeirydd yr Aelodau i’r cyfarfod.

</AI1>

<AI2>

2 Papur(au) i’w nodi

2.1 Nodwyd y papurau.

2.2 Cytunwyd ar y camau a ganlyn:

· Gwasanaethau Gwybodeg GIG Cymru: Cytunodd y Pwyllgor y byddai’r Cadeirydd yn ymateb i’r Llywodraeth yn gofyn am adroddiad sefyllfa ar y broses benodi ar gyfer y Prif Swyddog Digidol ynghyd â diffiniadau clir o rolau’r Swyddogion Digidol amrywiol ac amserlen ar gyfer y penodiadau hyn.

· Caffael Cyhoeddus: Cytunodd y Cadeirydd i ofyn i Lywodraeth Cymru pa ystyriaethau, os o gwbl, a roddwyd i’r effaith bosibl y gallai unrhyw dariffau yn y dyfodol ei chael ar gaffael.

· Craffu ar Gyfrifon 2018-19: Cytunodd y Cadeirydd i gynghori Llywodraeth Cymru y bydd y Pwyllgor yn dod yn ôl at y mater ynghylch defnydd mewnol o’r Gymraeg yn Llywodraeth Cymru yn ystod gwaith craffu blynyddol ar gyfrifon yn hydref 2020.

· Rheoli Gwastraff:Cytunodd y Pwyllgor i fwydo eu safbwyntiau i ymgynghoriad presennol Llywodraeth Cymru.

· Rheoli Meddyginiaethau:Cytunodd y Cadeirydd i ysgrifennu at Lywodraeth Cymru yn gofyn am adroddiad cynnydd ar y mentrau i wella presgripsiynau amlroddadwy a lleihau gwastraff ac ar wella’r gwaith o storio meddyginiaethau, gan nodi nad yw’r canllawiau diwygiedig a gafodd eu haddo wedi cael eu cyhoeddi eto.

· Bil Llywodraeth Leol ac Etholiadau (Cymru): Cytunodd y Pwyllgor y byddai’r Cadeirydd yn ysgrifennu at y Pwyllgor Cyfathrebu, Cydraddoldeb a Llywodraeth Leol gyda’u barn.

· Llywodraethu a Rheolaeth Ariannol mewn Cynghorau Cymuned: Gofynnodd y Pwyllgor i’r llythyr gan Lywodraeth Cymru gael ei anfon ymlaen at y Pwyllgor Cyfathrebu, Cydraddoldeb a Llywodraeth Leol.

· Perthynas Llywodraeth Cymru â Pinewood: Cytunodd y Cadeirydd i ysgrifennu at Lywodraeth Cymru yn gofyn am esboniad pellach ar y wybodaeth sydd yn y llythyr.

</AI2>

<AI3>

2.1 Gwasanaethau Gwybodeg GIG Cymru: Llythyr oddi wrth Llywodraeth Cymru (22 Tachwedd 2019)

</AI3>

<AI4>

2.2 Ymchwiliad i oruchwyliaeth reoleiddiol ar Gymdeithasau Tai: Llythyr oddi wrth Llywodraeth Cymru (25 Tachwedd 2019)

</AI4>

<AI5>

2.3 Caffael Cyhoeddus: Llythyr oddi wrth Lywodraeth Cymru (4 Rhagfyr 2019)

</AI5>

<AI6>

2.4 Bil Llywodraeth Leol ac Etholiadau (Cymru): Gohebiaeth gan Archwilydd Cyffredinol Cymru (5 Rhagfyr 2019)

</AI6>

<AI7>

2.5 Rheoli Gwastraff: Gwybodaeth ychwanegol gan Cyfoeth Naturiol Cymru (Rhagfyr 2019)

</AI7>

<AI8>

2.6 Craffu ar Gyfrifon 2018-19: Llythyr oddi wrth yr Ysgrifennydd Parhaol, Llywodraeth Cymru (9 Rhagfyr 2019)

</AI8>

<AI9>

2.7 Craffu ar Gyfrifon 2018-19: Llythyr oddi wrth yr Ysgrifennydd Parhaol, Llywodraeth Cymru (10 Rhagfyr 2019)

</AI9>

<AI10>

2.8 Rheoli Gwastraff: Llythyr oddi wrth Lywodraeth Cymru (10 Rhagfyr 2019)

</AI10>

<AI11>

2.9 Rheoli meddyginiaethau: Llythyr oddi wrth Lywodraeth Cymru (10 Rhagfyr 2019)

</AI11>

<AI12>

2.10Llywodraethu a Rheolaeth Ariannol mewn Cynghorau Cymuned: Llythyr oddi wrth Lywodraeth Cymru (11 Rhagfyr 2019)

</AI12>

<AI13>

2.11Gohebiaeth y Pwyllgor: Diwygio Etholiadol y Cynulliad (16 Rhagfyr 2019)

</AI13>

<AI14>

2.12Perthynas Llywodraeth Cymru â Pinewood: Llythyr gan y Dirprwy Weinidog Diwylliant, Chwaraeon a Thwristiaeth (23 Rhagfyr 2019)

</AI14>

<AI15>

3 Cynnig o dan Reol Sefydlog 17.42 i benderfynu gwahardd y cyhoedd o’r cyfarfod ar gyfer y busnes a ganlyn:

3.1 Derbyniwyd y cynnig.

</AI15>

<AI16>

4 Gwasanaethau Gofal Sylfaenol yng Nghymru: Sesiwn friffio gan Swyddfa Archwilio Cymru

4.1 Derbyniodd y Pwyllgor ddogfen friffio gan Swyddfa Archwilio Cymru ar eu Hadroddiad a chytunodd y byddai’r Cadeirydd yn ysgrifennu at Lywodraeth Cymru yn gofyn bod y diweddariad ar Wasanaethau y Tu Allan i Oriau a drefnwyd ar gyfer mis Gorffennaf 2020 hefyd yn cwmpasu’r camau a gymerwyd ar y 10 argymhelliad a gynhwysir yn Adroddiad yr Archwilydd Cyffredinol.

</AI16>

<AI17>

5 Maes Awyr Caerdydd: Llythyr oddi wrth Lywodraeth Cymru (13 Rhagfyr 2019)

5.1 Trafododd yr Aelodau'r llythyr a hefyd y penawdau o Adroddiad Blynyddol a Chyfrifon Maes Awyr Caerdydd 2018-19, a gyhoeddwyd ddiwedd mis Rhagfyr 2019.

5.2 Cytunodd y Pwyllgor y dylai’r Cadeirydd ysgrifennu at y Llywodraeth, i ofyn am eglurhad pellach ar nifer o faterion, cyn eu sesiwn graffu arfaethedig yn ddiweddarach y tymor hwn.

</AI17>

<AI18>

6 Cymorth Ariannol Llywodraeth Cymru ar gyfer Busnesau: Trafod y llythyr drafft

6.1 Cytunwyd ar y llythyr drafft.

</AI18>

<AI19>

7 Cyfarwyddyd Gweinidogol - Trefniadau Pensiwn y GIG ar gyfer 2019/20

7.1 Rhoddodd yr Archwilydd Cyffredinol wybodaeth i’r Pwyllgor am y Cyfarwyddyd Gweinidogol diweddar.

7.2 Cytunodd yr Aelodau i gynnal sesiwn graffu gyda’r Ysgrifennydd Parhaol i drafod y weithdrefn.

7.3 Cytunodd y Cadeirydd i ysgrifennu at Gyllid a Thollau EM i ofyn am eu barn ar y Cyfarwyddyd Gweinidogol diweddar.

7.4 Cytunodd y Cadeirydd hefyd i ysgrifennu at y Pwyllgor Iechyd, Gofal Cymdeithasol a Chwaraeon a’r Pwyllgor Cyllid yn eu cynghori ynghylch penderfyniad y Pwyllgor a gofyn iddynt graffu ar waith y Gweinidogion perthnasol ar y goblygiadau cyllidebol fel rhan o’r sesiynau craffu cyllideb sydd ar ddod.

</AI19>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>